ဒီဇင်ဘာ ၂၊ ၂၀၁၈
နိုင်ကြီး (ကသာ) (VOM)
၂၀၁၈ – ၂၀၁၉ ဘဏ္ဍာနှစ် အတွက် စစ်ကိုင်းတိုင်း ၊ ကသာခရိုင်အတွင်း က ကျွန်းသစ် နဲ့ သစ်မာတွေကို နိုဝင်ဘာလ နှင့် ဒီဇင်ဘာလ အတွင်းမှာ စ ထုတ်ယူနေပြီလို့ ကသာ သစ်ထုတ်လုပ်ရေး က ပြောပါတယ်။
ကသာခရိုင်အတွင်း က သစ်တောကြိုးဝိုင်း/ကြိုးပြင် ၊ ကျွန်းစိုက်ခင်းများမှာရှိတဲ့ မှတ်ရိုက်ထားတဲ့ ပင်ထောင်တွေကို သက်ဆိုင်ရာ သစ်တောဦးစီးဌာနမျာနဲ့ ညှိနှိုင်းဆောင်ရွက်ပြီး ခုတ်ယူထုတ်လုပ်ဖို့ သင့်တော်နေပြီ ဖြစ်တဲ့ ကျွန်းသစ် နဲ့ သစ်မာတွေကို မြန်မာ့သစ်လုပ်ငန်း က ထုတ်ယူမှာ ဖြစ်ပါတယ် ။
ကသာခရိုင် ကောလင်း ၊ ပင်လည်ဘူး ၊ ဝန်းသို ၊ အင်းတော် ၊ ဗန်းမောက် မြို့နယ်တွေက အနှစ်(၃၀)အထက် ကျွန်းသစ် ရင်စို့လုံးပတ် ငါးပေ အထက်များ နဲ့ သက်တမ်းရင့် သစ်မာများ ကို ထုတ်ယူမယ်လို့ ဆိုပါတယ်။
သာမန်ကျွန်းသစ် တန်(၃၀၀၀) ၊ စိုက်ခင်းကျွန်းသစ် (၄၆၀၀)တန် ၊ သစ်မာ (၃၄၀၀၀)တန် ၊ စုစုပေါင်းသစ် (၄၁၆၀၀)တန် တို့ကို ၂၀၁၈ – ၂၀၁၉ ဘဏ္ဍာနှစ် အတွက် ထုတ်ယူမယ်လို့ မြန်မာ့သစ်လုပ်ငန်း၊ ကသာ သစ်ထုတ်လုပ်ရေးလုပ်ငန်း မှ သိရပါတယ်။
